नेपाली कंग्रेस, माओवादी केन्द्र र आन्दोलनरत संघीय गठवन्धनवीच खटपट

१८, श्रावण ,२०७३ नेपाली कंग्रेस, माओवादी केन्द्र र आन्दोलनरत संघीय गठवन्धनवीच भएको सहमतिलाई लिएर केही मतभेद देखिएको छ ।
आज विहान मधेस आन्दोलनका मुद्धा सम्वोधन लगायतमा सहमति भएपछि संघीय गठबन्धनका नेताले माओवादी अध्यक्ष पुष्पकमल दाहालको उम्मेदवारीमा समर्थन जनाएपनि सहमतिको बूँदामा उल्लेख भएको बिषयमा विवाद उत्पन्न भएको स्रोतको भनाइ छ । तीन पक्षवीच ३ वूदामा मौखिक सहमति भएपनि संघीय समाजवादी फोरमका अध्यक्ष उपेन्द्र यादवले संघीयताको सन्दर्भमा सहमतिको बूंदामा पहिचान उल्लेख गर्नुपर्ने अडान लिनुभएको बताइएको छ । सोही बिषयमा विवाद भएपछि लिखित सहमतिका लागि साँझसम्म बसेको बैठक निष्कर्ष विहिन भएको छ । विवादकै वीच यादवले कान्तिपुरसँग कुरा गर्दै हुन लागेको सहमतिमा धोकाले भएकाले भोलि हुने मतदानमा दाहालको पक्षमा मतदान नगर्ने प्रतिक्रिया दिनुभएको छ । स्रोतका अनुसार, विवाद मिलाउन भोलि विहान कंग्रेस, माओवादी र संघीय गठबन्धनका नेताहरुवीच बैठक हुने भएको छ । यसअघि सद्भावनाका सहअध्यक्ष लक्ष्मणलाल कर्णले संविधान संसोधन गर्ने र आन्दोलनका क्रममा भएका घाइतेको उपचार लगायतबारे नयाँ सरकारले निर्णय गर्ने सहमति भएको बताउनुभएको थियो । प्रधानमन्त्री निर्वाचनमा दाहाललाई समर्थन जनाएपनि सरकारमा भने नजाने गठबन्धनले तयारी गरेको हो ।